रेनुका भुसाल,
चितवन, भदौं १८,
शसस्त्र
प्रहरी बल सिमा सुरक्षा चितवनका नवनियुक्त प्रहरी उपरीक्षक शम्भुप्रसाद
उप्रेती सहितको टोलीले चितवनका दुइवटै बोर्डर आउट पोष्टहरुको निरीक्षण तथा
स्थानीय जनप्रतिनिधीहरुसंग अन्तरक्रिया गरेको छ ।
टोलीले
नेपाल भारत अन्तरदेशीय सीमा सुरक्षा समेतको जिम्मेवारीसहित चितवनको दक्षिणी
सीमा क्षेत्रमा रहेको माडीको छरछरे र बाँदरझुलामा स्थापित बोर्डर आउट
पोष्टहरुको निरीक्षण गरेको हो । निरीक्षणसंगै दुईवटै पोष्टहरुमा स्थानीय
जनप्रतिनिधीहरुसंग शसस्त्र प्रहरी बलको भूमिका र जिम्मेवारीहरुका विषयमा
अन्तरक्रिया समेत गरिएको थियो । निरीक्षण टोलीमा एसपी उप्रेतीसंगै शसस्त्र
प्रहरी बलका प्रहरी नायव उपरीक्षक जनक पुरी र रेडियो माडीका निर्देशक देब
‘अञ्जान’ शाह लगायतको सहभागिता थियो ।
छरछरेस्थित
क्याम्पमा आयोजित विशेष अन्तरक्रियामा सहभागीहरुले बि.ओ.पी. क्याम्पको
स्थापनाबाट सोमेश्वरको नाकामार्फत हुनेगरेका तस्करी र आपराधिक गतिविधिहरुमा
निकै कमी आएको र स्थानीय जनतामा शान्ती सुरक्षाको आभाष हुन सकेको धारणा
व्यक्त गरेका थिए । उनीहरुले हाल अस्थायी आवासमा रुपमा सोमेश्वर मध्यवर्ती
उपभोक्ता समितिको भवनमा बसेको क्याम्प प्राबिधिक दृष्टिले उपयुक्त हुने
स्थानमा सार्नुपर्ने र सीमा अतिक्रमण रोक्न तथा सोमेश्वर गढीको संरक्षण
गर्न खटिनुपर्नेमा जोड थिए ।
